A Garda Civil localiza en Culleredo un taller irregular de vehículos

A Patrulla Fiscal da Garda Civil da Coruña (PAFIF) localizou un taller de vehículos irregular en Vilaboa, en Culleredo (A Coruña).

Os axentes estaban realizando un servizo na zona cando viron un local comercial aparentemente destinado á reparación de vehículos que non tiña ningún tipo de identificación da actividade no exterior.

Os gardas civís procederon á súa inspección. Atoparon un turismo en reparación e gran cantidade de residuos sólidos procedentes de vehículos que foran arranxados anteriormente.

Os axentes pedíronlle a documentación ao responsable do local, pero carecía dela e daquela abriron a correspondente denuncia por supostas infraccións das leis de residuos e chans contaminados de Galicia, da orde social, do emprendemento e a competitividade de Galicia e de seguridade industrial de Galicia.