A Galicia costeira será protagonista na Berlinale 2023

Nunca se escoitara tanto galego na Berlinale como vai acontecer na súa edición 73. O anuncio da presenza de Matria, de Álvaro Gago, súmase á xa coñecida Sica, de Carla Subirana. O filme do director vigués foi seleccionado para a sección Panorama. Unha película que nace da curta co mesmo título que en no 2018 conquistara o gran premio do xurado do festival de Sundance.

Na carteleira galega, o protagonismo é para Un cielo impasible, do director David Varela. Un filme que se achega ao acontecido na batalla de Brunete durante a Guerra Civil española a través dos ollos das novas xeracións.