A galega Vig-Sec Drone, seleccionada pola OTAN para o programa de aceleración de innovación
A compañía de Vigo é unha das quince empresas seleccionadas a nivel mundial pola Alianza Atlántica
A participación responde as súas capacidades para a xestión e coordinación táctica do espazo aéreo de media e baixa cota denominada Suite ACRE
Imaxe da proba do software Suite ACRE de Vig-Sec Drone. Europa Press-Arquivo.
A compañía galega Vig-Sec Drone é unha das 15 empresas a nivel mundial seleccionadas pola OTAN para participar no seu programa Acelerador de Innovación en Defensa para o Atlántico Norte (DIANA, polas súas siglas en inglés).
Vig-Sec Drone é unha compañía especializada no desenvolvemento de tecnoloxía para a xestión do espazo aéreo, operacións profesionais e formación para defensa, seguridade, emerxencias e industria.
A súa participación na aceleradora responde as súas capacidades para a xestión e coordinación táctica do espazo aéreo de media e baixa cota denominada Suite ACRE, no marco da fase Mission Track.
A participación desta compañía nesta fase da aceleradora tecnolóxica posibilitaralle presentar a súa tecnoloxía aos departamentos de Defensa dos países membros da Alianza Atlántica.
