A galega Janet Novás, Premio Nacional de Danza: "Hai que volver ao corpo á verdade e á coherencia"
A artista espera que o recoñecemento se "traduza en contratación"
Novás ten un Goya á mellor actriz revelación polo seu papel na película 'O corno'. Europa Press
A actriz e bailarina galega Janet Novás, que foi galardoada este xoves co Premio Nacional de Danza 2025 na modalidade de interpretación, asegurou que "hai que volver ao corpo, á carne, á rúa e á coherencia" no contexto actual de crise e polarización
"A danza ten moito poder, porque é volver ao corpo. Hai que volver á carne, á rúa, á verdade, hai que volver á coherencia, e o corpo tráenos todo iso. É o que nos vai a salvar, porque estamos nunha situación moi crítica. De todo o que está a suceder con Gaza e con moitísimas outras cuestións, pero agora mesmo o tema de Gaza é un tema grave. Evidentemente, a danza non soluciona o problema, desgraciadamente --oxalá--, pero volver ao corpo e volver sensibilizarnos é importante", defendeu Novás.
Así, a artista pediu "espazos" que sensibilicen sobre a importancia do corpo, así como políticas culturais que permitan que exista un "tecido forte". O anuncio do galardón pillou traballando a Novás e dedicoullo a "moita xente que non obtén recoñecementos".
A artista, que estreará en novembro o seu traballo 'PROTO SN1806' en Valencia, espera que o Premio Nacional se traduza en "contratación".
"Estou moi agradecida co premio, evidentemente, agradecida aos que decidiron concedermo a min, porque se que hai moitísima xente que o merece e que podería recibilo", dixo Novás.
