Explorando as conexións surrealistas entre Eugenio Granell e Manuel Colmeiro

A exposición Conexións surrealistas. Colmeiro, Granell e o Surrealismo no exilio procura unha lectura do impacto do movemento surrealista na obra do pintor Manuel Colmeiro e as conexións coa obra de Eugenio Granell, da mesma xeración e figura de referencia do surrealismo.

O exilio americano é o pano de fondo dunha mostra comisariada por Carlos L. Bernárdez e que se enmarca no proceso de revisión da obra e da figura de Manuel Colmeiro á luz doutros contextos.