Publicador de contidos

Publicador de contidos

A FIFA empregará intelixencia artificial en Qatar para a detección do fóra de xogo

A FIFA empregará intelixencia artificial en Qatar para a detección do fóra de xogo

O balón levará no seu interior unha unidade de medición inercial, que enviará un paquete de datos 500 veces por segundo á sala de vídeo

G24.gal 01/07/2022 11:32 Última actualización 01/07/2022 11:39

A FIFA empregará tecnoloxía semiautomatizada e intelixencia artificial para a detección do fóra de xogo na Copa do Mundo Qatar 2022, co obxectivo de "tomar decisións máis rápidas, precisas e fiables" na competición futbolística máis importante do mundo.

O balón levará no seu interior unha unidade de medición inercial (IMU, polas súas siglas en inglés), que enviará un paquete de datos 500 veces por segundo á sala de vídeo, o que permitirá detectar con absoluta precisión o momento exacto no que se golpea o balón.

Ademais, a nova mellora tecnolóxica irá acompañada de doce cámaras instaladas baixo a cuberta de cada estadio para captar os movementos do balón e ata 29 puntos de datos de cada xogador que se tomarán 50 veces por segundo. Coa mestura de datos de seguimento das extremidades dos xogadores e da pelota, e mediante a intelixencia artificial, a nova tecnoloxía fornece un aviso automático á sala de vídeo sempre que reciba un balón un atacante que se atopaba en posición antirreglamentaria no momento en que o seu compañeiro xogou o esférico.

Publicidade
Publicidade
Publicidade
Publicidade
Pódeche interesar

Publicador de contidos