A EMA defende só unha cuarta dose para o grupo de poboación inmunodeprimida

A Axencia Europea de Medicamentos non ve necesaria unha cuarta dose de reforzo xeneralizada. Deféndea para o grupo de poboación inmunodeprimida, como pacientes transplantados ou con tratamento oncolóxico.

E ademais recomenda ás autoridades de saúde pública que comecen a considerar dende xa a súa aplicación.

Sobre o futuro da vacinación da covid-19, a Axencia Europea de Medicamentos non descarta novos reforzos, que terían que inocularse coa chegada do frío a algúns grupos de risco, como se fai coa gripe.