A DXT intensificará os controis de velocidade do 4 ao 10 de agosto
Faranse en toda España en colaboración coas comunidades autónomas e os concellos
Porán especial atención nos puntos con máis sinistralidade e onde haxa eventos festivos
Desde este luns ata o domingo é probable que atopen nas estradas máis controis de tráfico dos habituais. A razón é unha nova campaña da DXT, que intensificará a vixilancia para que tomemos consciencia do risco que supón o exceso de velocidade. É o terceiro factor máis determinante nos sinistros de tráfico, especialmente, nos que hai vítimas mortais, recalca Francisco Ruiz Boada, subdirector xeral de Mobilidade e Tecnoloxía da DXT.
"A velocidade é un tema para no tomalo a broma; unha freada a 50 quilómetros por hora non ten nada que ver cunha freada a 120 quilómetros por hora".
Os controis faranse en colaboración coas comunidades autónomas e os concellos, para centrarse en puntos cun alto índice de accidentes e tamén onde haxa eventos festivos. Na última campaña deste tipo, os axentes inspeccionaron 160.000 vehículos e abriron 92.000 infraccións, aínda que insisten en que o obxectivo primordial é concienciar.
