A discoteca Canelas de Portonovo suspende a súa festa de Noitevella
Xa venderan máis de 2.000 entradas, que devolverán de xeito inmediato
Os hostaleiros de Pontevedra cifran nun 60 % as cancelacións de ceas e festas de fin de ano
A cinco días de que remate o 2021, o aumento de contaxios está provocando a cancelación de festas e ceas propias destas datas.
A última, que coñeciamos esta mesma tarde, é a suspensión da celebración da Fin de Ano na discoteca Canelas, en Portonovo. A dirección asegura que foi unha decisión que lles custou moito tomar, xa que tiñan todo preparado para o evento.
Venderan xa 2.200 entradas que agora, din, devolverán de maneira inmediata. A dirección da discoteca, que leva pechada xa desde o día 18, confía en que actitudes responsables coma esta permitan en breve retomar a actividade nun sector especialmente tocado pola pandemia.
Nas últimas horas son moitas as anulacións de reservas en hoteis e restaurantes. Desde a Asociación Provincial de Hostaleiros de Pontevedra, cifran nun 60 % as cancelacións de ceas e festas de fin de ano.
