A Coruña estrea as primeiras escaleiras mecánicas cubertas
A nova obra permite superar o desnivel sen esforzo e con seguridade
Os veciños lamentan que só funcionen en sentido ascendente
Do esforzo de subir en costa... a facelo sen suar grazas a estas novas escaleiras mecánicas que unen as rúas Adelaida Muro e Ángel Rebollo, en Monte Alto.
"É unha marabilla agora...". "Moi ben, moi ben. Xa nos facía falta antes". "É que hai xente que xa non pode subir as escaleiras", contan os veciños
Agora, grazas a un investimento dun millón cen mil euros, cofinanciado con fondos europeos, Monte Alto conta con estes tres treitos de escaleiras mecánicas, as primeiras cubertas que hai na Coruña, que permiten superar o desnivel sen esforzo e con seguridade.
"Antes había que ir dar a volta...". "E para os maiores fannos moita falta", explican.
Amais estas escaleiras están cubertas con pranchas de metacrilato que protexen tanto os mecanismos como os usuarios os días de chuvia... sempre e cando non chova de lado.
"Pois mollarémonos". "Levamos o paraugas e xa está".
Pero si os amola que funcionen só en sentido ascendente.
"Só soben? Vaia trampa!".
Unhas novas escaleiras que non só melloran a accesibilidade senón que tamén dinamizan a contorna, conectando mellor Monte Alto co paseo marítimo.