A casa máis iluminada do Nadal da Guarda

Cada día, cando dan as seis e media da tarde, a casa de Wanda e Manolo convértese no faro do Nadal que ilumina Camposancos, na Guarda. Comezaron na pandemia instalando algunhas luces, e ano a ano foron incrementado a decoración ata converterse nun verdadeiro atractivo turístico con 500.000 luces led.

As portas do seu xardín permanecen abertas para todos os que queiran achegarse e reciben en ocasións ata autobuses turísticos. Manuel e Wanda, xa pensan agora na decoración do ano que vén e nas novidades que engadirán ao seu refuxio de Nadal.