Publicador de contidos

Publicador de contidos

A Bonoloto deixa 4 millóns de euros en Xinzo

A Bonoloto deixa 4 millóns de euros en Xinzo

Polo de agora descoñécese a identidade da persoa afortunada

G24.gal 29/06/2022 17:23

Curiosidade e sorpresa entre os clientes que hoxe se achegaban á administración número 1 de Xinzo de Limia.

Dende primeira hora, un novo cartel forma parte da súa listaxe de premios  e, ollo, que este non é pequeno. Case catro millóns de euros deixou aquí o primeiro premio da Bonoloto.

Alegría e nervios para os loteiros, como é lóxico, e resignación para os que un día máis comprobaban que o premio millonario non estaba entre os seus boletos. 

Certo que é sen dúbida un dos maiores premios que tocou nunca na vila.

Polo de agora segue a ser un misterio quen pode ter o boleto gañador no peto.

Con todo, na administración encargada de repartir a sorte din que gardan unha botella de cava ben fresquiña  por se acaso o agraciado ou agraciada decide darse a coñecer e brindar cos seus veciños.

Publicidade
Publicidade
Publicidade
Publicidade