ÚLTIMA HORA
A Audiencia de Madrid mantén o xuízo con xurado contra Begoña Gómez por dous delitos
A muller do presidente será xulgada por presunto tráfico de influencias e malversación
Os maxistrados retíranlle as acusacións de corrupción de negocios e apropiación indebida atribuídas por Peinado e devólvenlle o pasaporte
Ordenan ademais que continúe o procedemento con xurado contra a asesora de Gómez, Cristina Álvarez
Arquivo/EduardoParra/Europa Press
A Audiencia Provincial de Madrid ordenou que se continúe o procedemento de xuízo con xurado contra Begoña Gómez, muller do presidente do Gobierno, por dous delitos, tráfico de influencias e malversación. Os maxistrados sobreseen as outras dúas acusacións formuladas polo xuíz Juan Carlos Peinado: as de corrupción nos negocios e apropiación indebida.
Nun auto difundido este xoves os maxistrados ordenan ademais que se continúe o procedemento con xurado contra a asesora de Gómez, Cristina Álvarez, só por un presunto delito de malversación de fondos públicos.
A Audiencia Provincial estima así parcilamente os recursos presentados pola Fiscalía e as defensas. Levanta ademais as medidas cautelares que impuxo o xuíz Juan Carlos Peinado a Begoña Gómez, muller do presidente do Gobierno, e a súa asesora, ao descartar o risco de fuga que apreciaba o maxistrado. Ambas recuperan o pasaporte. Iso si, "sen prexuízo de que estean localizadas en todo momento"
A Audiencia separa do procedemento do xurado a Barrabés, contra o que se seguirá a investigación nun procedemento abreviado no relativo á legalidade ou ilegalidade das adxudicacións de contratos públicos.
