A aleiro francesa Clémentine Samson regresa ao Celta
É a segunda incorporación das celestes que anteriormente anunciaran a fichaxe da base estadounidense Leslie Vorpah
A aleiro francesa Clémentine Samson volverá vestir a camiseta do Celta Baloncesto tras o ascenso do equipo galego á liga Feminina. Tras unha longa experiencia no baloncesto do seu país, onde defendeu as camisetas de Carolo Basket, Roche Vendée Basket e Tarbes GB, a xogadora gala deu o salto a España na tempada 2023-24 coa súa fichaxe polo Celta, co que mediou 13,2 puntos, 4,1 rebotes e 11,8 créditos de valoración de media por partido no curso 2024-25.
O descenso do Celta motivou a súa saída do Movistar Estudantes, club do que se desvinculou no mes de novembro pasado. De aí deu o salto ao Baxi Ferrol.
“Despois dunha tempada en Estudantes e Ferrol, a francesa regresa a Vigo para afrontar xunto a nós o reto da liga Feminina Endesa”, sinala o club vigués.
É a segunda incorporación das celestes que anteriormente anunciaran a fichaxe da base estadounidense Leslie Vorpah.
