A empresa familiar xera 8 de cada 10 empregos privados en Galicia

8 de cada 10 empregos privados en Galicia proceden das empresas familiares. O presidente da Xunta destacou o seu papel clave na dinamización da economía galega.

Galicia sitúase entre as comunidades cun tratamento fiscal máis vantaxoso para a transmisión interxeracional de empresas.

Alfonso Rueda comprometeuse a seguir apoiando as empresas familiares: "A empresa familiar é Galicia Calidade en estado puro. Eu comprométome a coidala e a que no Goberno da Xunta encontren un aliado".