Morreron 26 persoas en accidente de tráfico esta Semana Santa en España
Un dos últimos accidentes mortais tivo lugar en Carballo e eleva a catro os falecidos en Galicia nesta Semana Santa, aínda que dous deles -acontecidos en vías urbanas- non se inclúen nesa estatística
Imaxe da retirada do coche tralo accidente que lle custou a vida este luns a un condutor de 19 anos en Carballo
As cifras provisionais de sinistralidade nas estradas españolas durante os dez días que durou a operación especial de Semana Santa indican que houbo 24 accidentes mortais. Neles morreron 26 persoas. Son datos da DXT deste luns á tarde, canda estaba a desenvolverse o retorno en varias comunidades.
Nesta Semana Santa en Galicia morreron dous peóns atropelados en vías interurbanas e outras dúas persoas en accidentes en vías urbanas, que non se inclúen na estatística do dispositivo especial. O último destes foi en Carballo, onde o luns de madrugada faleceu un mozo, veciño de Ponteceso.
