20 de abril, Día Internacional da Lingua Chinesa
Así o decidiu a ONU para fomentar o uso do chinés, que é unha das 6 linguas oficiais dentro da organización internacional
Aquí cando non entendemos absolutamente nada do que nos están a falar dicimos que nos soa a chinés, unha expresión que denota a distancia que nos separa. Preguntamos na rúa se estarían dispostos a aprender chinés.
"Uff, pois eu creo que non, como moito... Non, creo que non".
"Buf, ten pinta que é bastante difícil".
"Nunca me propuxen nin teño tampouco moito interese".
"Para min, interese ningún, moi lonxe está".
"Teño un neto que o fala, e un fillo, pero eu...".
"Inglés e chinés son as dúas linguas que van dominar o mundo".
E é que é unhas das linguas máis faladas, tanto é así que nas Nacións Unidas hai 193 estados membros, pero só seis linguas son oficiais, e unha delas é o chinés. Saímos na busca dalgunha palabra solta.
"Algo cousas fáciles, 'ni hao', adeus ou grazas".
"Ola, 'ni hao', creo".
"'Ni hao', que é ola; chámome Pablo, 'wo jiào Pablo' e 'ni hao ma', como estás?"
"Grazas, 'konnichiwa'".
"Benvidos a Chinatown".
"Moitos din que están aprendendo, si".
