'Ulises' e 'Nun tempo de horta', audiovisual galego no Festival de Cine de Málaga

Na hostilidade da serra do Xistral acontece Ulises, de José María Tubío, que asina o traballo como Félix Brixel. Ulises e o seu irmán aparecen coma os dous últimos homes na terra, pero haberá sorpresas e moita comuñón coa contorna. Unha curta que compite estes días na sección oficial do Festival de Málaga. Outra produción galega en Málaga é un traballo da directora Carmen P. Granxeiro, Nun tempo de horta. Un filme tan pegado á terra coma aos sentimentos que transcorre durante as catro estacións do ano da pandemia.