Susana Villalta: "Hai inéditos de teatro, aforismos, narracións e poesía"

Este Día das Letras Galegas celebramos varias escritoras: unha extraordinaria poeta, unha notable dramaturga, unha ensaista chea de fondura, unha sagaz columnista e unha experimentada violinista, todas elas se chaman Luísa Villalta. Traballou con dedicación, e con discreción e firmeza de conviccións. Foron cualidades que marcarían a súa vida. Era unha muller comprometida coa sociedade e con Galicia, enfeitizada pola música, feminista, que reinterpretou coma ninguén a súa cidade, a Coruña do noso tempo, e que a partir da súa  abrupta e prematura desaparición, a súa figura non deixou de medrar en estima e recoñecemento.