Mercedes Peón e Paula Carballeira: "As cantareiras non son algo do pasado"
A segunda xornada pública de Somos Pandeireteiras estivo centrada nas tocadoras como transmisoras da lingua galega
As tocadoras debateron sobre temas como a presenza na educación, as diferenzas dialectais ou a tradución das coplas
Paula Carballeira, Lucía Aldao, Ánxela Lema ou Nuria Vil participarán cos seus relatorios na próxima publicación da asociación
Milleiros de mulleres espalladas por todo o territorio galego xuntábanse para tocar e bailar sendo a centralidade da transmisión musical e da palabra. Aínda hoxe ofrecen un xeito de entender o mundo fóra da transacción comercial. Hoxe falamos destas mulleres, das que foron e das que son tocadoras e que agora dispoñen dun espazo de articulación permanente entre todas elas na asociación Somos Pandeireteiras.
Conversamos cunha das impulsoras deste asociación e, vicepresidenta, Mercedes Peón e cunha das participantes do proxecto, Paula Carballeira.
