Silvia García: "Na obra de Manuel Vilariño todo ten unha vertente espiritual e poética"

'After the whale. Un diálogo co museo' é o resultado dun ambicioso proxecto expositivo de Manuel Vilariño, onde o artista realiza unha poética lectura sobre a vida e a morte, dous dos seus temas máis recorrentes, cos que personifica seres e elementos da natureza salvaxe. 

A intervención do museo inunda todos os espazos: tanto nas salas de exposicións temporais coma nas da colección permanente, pódense contemplar obras emblemáticas do artista, fotografías inéditas, haikús e poemas.