Bea Lema: "Cando non había psiquiatras, os ritos relixiosos facían a súa función"

Seis anos despois de recibir o premio de cómic Castelao pola súa obra O corpo de Cristo, Bea Lema publica unha nova versión desta novela gráfica en que afonda na súa historia persoal: a vivencia dos trastornos mentais na familia. Nesta versión, en castelán polo de agora, consegue un estilo gráfico moi orixinal coa inclusión de técnicas non habituais na banda deseñada, como o bordado.

A novela está proposta a mellor obra no festival de Angouleme, o máis prestixioso de banda deseñada en Europa. Á espera de noticias, porque o festival celébrase esta fin de semana, falamos con Bea Lema no seu estudio na Coruña.