O camiño de inverno nas acuarelas de Miguel Anxo Prado e Rita Sabler

Os artistas gráficos Miguel Anxo Prado e Rita Sabler percorreron o Camiño de inverno, dende O Barco de Valdeorras ata Santiago coa mochila cargada de acuarelas e papel. Ilustraron durante nove días todo aquilo que lles chamou a atención da súa peregrinación, desde igrexas e edificios singulares ata pequenos detalles da paisaxe e da xente. O resultado do proxecto Camiñamos para parar pódese ver agora no Museo das Peregrinacións de Santiago.