Miguel R. Monteavaro: "Pénsase que as fronteiras están dende sempre, pero non é así, na 'llingua' témolo clarísimo"
Miguel R. Monteavaro: "Pénsase que as fronteiras están dende sempre, pero non é así, na 'llingua' témolo clarísimo"
'Cortar pescado en Manila', o seu sétimo libro de poesía gañou o XII Premio de Poesía Afundación
O protagonista do libro, un peixeiro de Manila, fala en primeira persoa da violencia, a precariedade, os traumas, o amor ou a tenrura
O poeta, da comarca do Eo-Navia publica case toda a súa obra en galego, na súa variedade asturiana
'Ninguén entende a vida do home que corta cabezas nas rúas de Manila'. É un verso de 'Cortar pescado en Manila', a obra que gañou a última edición do Premio de Poesía Afundación.
Hoxe falamos co seu autor que acaba de vir de recitar no Cairo, onte comezou un curso de poesía en Luarca, hai uns días pasaba tamén polo ciclo Poetas Di(n)versos e un pouco antes andou tocando o tamboril pola Reisada de Valledor. Ten un pé na música, outro na investigación pero hoxe vén por cousas da poesía. Miguel Rodríguez Monteavaro escribe e exprésase en galego de Asturias.
