Masha Álvarez: "Sempre tiven ansia de chegar a amplitude, de traspasar fronteiras"
O libro tece a vida entre o norte de Estados Unidos e Galicia, trozando as fronteiras dos espazos e das culturas
Masha Álvarez residiu durante dous anos en Siux Falls, Dakota do Sur, o que inspirou o poemario
Dakota, publicado pola Editorial Galaxia, foi a obra gañadora do XV Premio de Poesía Victoriano Taibo
"Cando penso en Dakota vexo branco Alí descubrín que cando vai moito frío non neva. A neve que caen decembro convértese en xeo, a vila conxélase ata finais de febreiro".
Así comeza un dos poemas de Dakota de Masha Álvarez , o poemario que gañou a última edición do Premio Victoriano Taibo. Di que sente a pulsión e ir ver a fronteira, antes de que desapareza. Pero neste libro, co título de Dakota, dalgún xeito, Masha Álvarez transpasa e corta as fronteiras políticas e familiares que, como pastores eléctricos, convidan a non pasar.
