Mario G. Cortizo: "Quero traspasar as liturxias da música contemporánea"
'Só un solo' é unha proposta escénica cun percusionista como único intérprete ou performer con música de creación propia
É un espectáculo de tres pezas: para dispositivo electrónico, para dispositivo autómata e un solo de pandeireta e electrónica
'Só un solo', foi seleccionado nas Residencias Artísticas Mariñán e presentase mañá no Festival Resis de A Coruña
Traspasar os límites dos conceptos da música e dos músicos, que pasan a ser intérpretes tamén doutras linguaxes. A proposta de Mario G Cortizo, Só un solo, chega mañá, dentro do Festival Resis, á Sala de Exposición do Palexco, na Coruña coas entradas xa esgotadas. A confrontación, a dualidade entre a calma e o caos, o ritmo, o robótico e o humano son algúns dos conceptos sobre os que se asenta o espectáculo.
