Haya Blanco: "Eu non borro cando pinto porque na costa sempre hai superposición de liñas"

Haya Blanco lévanos directamente a sentir a emoción do que nos é propio, a mirar a paisaxe para tomar conciencia da contorna. Os trazos empastados de pintura crean volumes e texturas. Nalgunhas obras a liña configura a carga figurativa. Noutras, é a propia mancha a que crea elementos figurativos que se fusionan co fondo mimetizándose e dificultando atopar a liña que separa a figura do fondo.