'Hamlet, o de Cunqueiro', teatro inmersivo e itinerante coa linguaxe dos videoxogos

Dúas compañías de teatro, dous Hamlets, moito xogo e distintos escenarios: Son elementos da última proposta de Clásicas Desfeitas. Partindo do texto de Cunqueiro, O incerto señor do Hamlet, os profesores da Universidade de Vigo Beatriz Legerén e Antonio Pena, propoñen unha obra interactiva, seguindo a dinámica dos videoxogos. O público terá que moverse pola Cidade da Cultura cos actores do grupo brasileiro Boccaccione e do galego  Marinita y sus Maromas.