Guadi Galego: "Pélago é o disco que me debía, é plural pero tamén íntimo"

O mar, como a vida, leva e trae. Como os anos. Guadi Galego escribiu un disco, compuxo a música, tocouno ao piano e cantouno, pero en todo o proceso abriulle as portas a moita outra xente, e compartiuno. Un disco convertido nun espazo emocional, propio e colectivo. Un disco da infancia á madurez, da terra de Cedeira ao mar. Pélago. Contos oníricos o novo disco de Guadi Galego que nace do mar.