'Fagamos historia' é o lema da campaña do Celta para recuperar abonados
A campaña, activa desde hoxe ata o 14 de xullo, coa creación da categoría sub-30, para abonados entre 26 e 30 anos, como gran novidade xunto coa recuperación do financiamento
O Celta lanzou esta mañá a súa campaña de abonados baixo o título de "Fagamos historia" -activa desde hoxe ata o 14 de xullo- coa creación da categoría sub-30 -para abonados entre 26 e 30 anos- como gran novidade xunto coa recuperación do financiamento.
Neste sentido, exponse un pago fraccionado en catro cotas ou demora de tres meses no pago da primeira sen intereses e cun gasto de xestión do 5 %. Créase un novo portal do abonado para tramitar o carné, actualizar datos, solicitar cambios de bancada e demais xestións.
Para as novas altas, a inscrición comeza o 21 de xuño para unha lista de espera e coa novidade de que os antigos abonados das dúas tempadas previas á última (2019/2020 e 2020/2021) non terán cota de alta. Os abonados maiores de 65 anos poderán xestionar os abonos de maneira presencial en Balaídos, para o que se recomenda pedir cita previa co fin de evitar colas (teléfonos 986.213.230 e 986.213.234).
Seguen vixentes o carné Miudiño gratuíto para menores de cinco anos, os descontos para abonados con diversidade funcional superior ao 65 % (un 25 % de rebaixa). Dispoñerán de invitación para acompañante en caso de necesitalo. Haberá, así mesmo, descontos de accionista e familiar, que se recuperan de maneira excepcional que se substituirán por outros na 2023/2024, segundo avánzase xa.
