Como nos afecta o que se decide en Bruxelas?

Cando nos preguntamos que importancia ten a UE no noso día a día, a resposta en Galicia é sinxela. Sábeno ben no sector primario. As cotas de pesca tan importante para os nosos mariñeiros

Non menos importantes son as axudas da PAC ou os fondos europeos, claves para manter en pé a industria automobilística de Vigo

Pero hai moito máis. Bruxelas é como un gran paraugas que marca as pautas lexislativas para o futuro. Algunhas das normas con máis impacto no noso día a día veñen de Europa. Desde o cargador do móbil, á separación de residuos ou as baixas por paternidade. A loita contra o cambio climático foi unha das bandeiras desta lexislatura.

Atrás quedan decisións como a fin dos monopolios nacionais no sector áreo que permitiu abaratar os billetes de avión ou a implantación do 112 como número de emerxencia para todos os países comunitarios.