'Barreiro. O silencio que chove luz na xanela', unha fogueira de cores no Gaiás

Lugrís dedicoulle un verso ao seu amigo Barreiro: "O silencio que chove luz na xanela". E tal é o título da exposición sobre 60 anos de pinturas e debuxos de Barreiro que está aberta na Cidade da Cultura.

Ademais de visitar a mostra, puidemos coñecer a dita xanela, que está no taller do artista. Concretamente, en Santa María de Cela, Bueu. Alí, partindo do gris horizonte imos chegando á pintura. E do taller do pintor, de volta á exposición no Gaiás. E outra vez á xanela que debuxa no mar de Ons un atrevemento de cores que sae da mirada de Barreiro.