O excéltico Jonny, apartado do Wolves ata finais de xaneiro

Jonny Otto, xogador galego do Wolverhampton Wanderers, estará apartado do primeiro equipo ata finais de xaneiro despois dun incidente nun adestramento. O defensa, segundo confirmou Matt Hobbs, director deportivo do club, desculpouse e aceptou o castigo, polo cal non poderá nin adestrarse nin xogar co seu equipo ata finais de xaneiro.

O ex-xogador do Celta non se adestrou estes días cos seus compañeiros e quedou fóra das dúas últimas convocatorias despois dun incidente nun adestramento que non foi desvelado.

Hobbs confirmou que se reuniu esta semana co español e que este se desculpou e aceptou o castigo imposto polo club.

"Falamos e aceptou que ata finais de xaneiro non formará parte do primeiro equipo. Seguirá adestrándose connosco e se quere poderá xogar co sub-21", engadiu Hobbs.

Jonny, que chegou a ser internacional con España, só xogou tres encontros esta tempada co Wolves.