Sergio séntese o boneco 'punching' pola expulsión e Benítez prefire non falar dos árbitros

Sergio González: "Teñen que tomar un pouco de tempo e ir ao VAR para xogadas tan importantes"

Benítez: "O equipo non tivo velocidade nin precisión"

G24.gal 05/12/2023 00:01

Sergio González estaba moi amolado pola xogada da expulsión de Víctor Chust. O adestrador do Cádiz fala da trascendencia da acción: "Despois desa xogada a min pódenme botar á rúa. Nesas decisións o árbitro ten que ir ao VAR e tomar o tempo necesario, como se son tres ou catro minutos". Ao seu xuízo, en ningún momento se pode considerar como vermello directo a xogada do seu central con Aspas. 

Rafa Benítez non quixo entrar a valorar a actuación arbitral. Si que falou de que ao seu equipo lle faltou "velociade e precisión" e por iso non estaba nada contento. "Permitímoslle a un equipo que perdeu moito tempo que manexase o partido", comentou Benítez, que recoñeceu que non controlaran nada ben a situación de superioridade numérica durante máis dunha hora de partido. 

Para Sergio, o Cádiz foi o boneco punching neste partido. "Benítez leva tempo queixándose, o Celta tivo moitas situacións en contra pero hoxe devolvéronlle moitas", asegurou o adestrador cadista. 

Publicidade
Publicidade
Publicidade
Publicidade
Pódeche interesar

Publicador de contidos