Os reis de España estreitan lazos con Dinamarca nunha visita de Estado ao país nórdico

Os reis xa están en Copenhague para realizar unha visita de Estado de tres días. É a súa primeira viaxe oficial ao país escandinavo, e ten como obxectivo reforzar as relacións bilaterais.

Esta mañá foron despedidos con honores no aeroporto de Baraxas antes de partir a Copenhague, onde foron recibidos pola raíña Margarida e os príncipes herdeiros.

Esta tarde Filipe VI reunirase coa primeira ministra danesa, e mañá participará nun foro empresarial antes de ser recibido no Parlamento.