O Celta empata co Betis na Cartuja (1-1), e segue a tres puntos da quinta praza
O Celta foi moi superior na primeira metade, que acabou con vantaxe grazas a un madrugador gol de Jutglá
O Betis entrou mellor na segunda e empatou por medio de Bellerín
No treito final houbo ocasións para os dous equipos, pero o empate xa non se moveu
Minuto a minuto
Ás 18:30h comeza o partido da Cartuja. Betis-Celta. Este é o XI inicial de Claudio Giráldez para o partido
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪𝒆𝒍𝒕𝒂... 𝒙𝒐𝒈𝒂𝒓𝒂́𝒏... 🩵#RealBetisCelta ⋄ #LALIGAEASPORTS pic.twitter.com/5ntoxhGMfK
— Celta (@RCCelta) March 15, 2026
E este é o XI inicial do Betis de Pellegrini
💚🤍💚
— Real Betis Balompié 🌴💚 (@RealBetis) March 15, 2026
¡Nuestro once inicial para el #RealBetisCelta!#DíaDeBetis pic.twitter.com/kNSilkjUtq
Comeza o partido na Cartuja. Betis 0-0 Celta
GOOOOOOOOOOOL do CEEEEEEELTAAAAAA!!!!!Jutglá dispara desde a frontal e Álvaro Valles non atina a despexar o balón, que acaba na portería. Betis 0-1 Celta
Ataca agora o Betis, e Starfelt ten que sacar un remate desde a frontal que ía cara a portería
Balón a Pablo Durán que chega dentro da área, e a súa volea marcha lixeiramente desviada
Agora é Jutglá o que volve chegar man a man, e sácalle o remate Valles
Gran xogada do Celta pola esquerda, asiste Hugo Álvarez, e Pablo Durán remata desviado desde o punto de penalti
Córner a prol do Betis, bota Fornals e Bartra cabecea por riba do traveseiro de Radu
Remata Álvaro Núñez á saída dun córner, e o balón vai manso ás mans de Valles, que inicia unha contra, e Abde remata de cabeza tamén ás mans de Radu
Descanso na Cartuja. Gaña o Celta co gol de Jutglá, aínda que tivo ocasións para levar unha maior renda
Comeza a segunda metade na Cartuja. Betis 0-1 Celta
Gol do Betis. Empata Bellerín gañándolle as costas a Marcos Alonso pola dereita. Betis 1-1 Celta
Bartra e Valles enléanse logo dun centro desde a dereita, e o balón acaba en córner
Disparo de Ruibal, que culmina unha contra, e o balón marcha desviado
Gran movemento de Borja, que envía o balón á rede á terceira, pero comezaba a xogada en fóra de xogo, así que o gol non sube ao marcador
Paradón de Radu a lanzamento de Ruibal
Anthony remata desde o costado dereito da área, e para Radu abaixo
Falta perigosísima que acaba rematando Natan, e para Radu cunha man espectacular, botándolle o pano ao partido
Final na Cartuja. Empate a uns, que deixa a diferenza de goles entre os dous equipos empatada, e o Celta a tres puntos do Betis
