Xornada interxeracional con ximnasia, manualidades e música tradicional en vivo

Na residencia de maiores do Viso as horas pasan hoxe doutra maneira. Reciben a visita de vinte rapaces de sexto de primaria dun colexio de Ourense.

A preparación do Entroido é o que está de fondo, pero o certo é que nesta xornada non faltan actividades en que todos, independentemente da idade, poidan participar; dende a ximnasia ou as manualidades ata a música tradicional en vivo.

Trátase, din, de que os máis cativos aprendan da sabedoría dos maiores e que estes gocen da compañía dos máis novos.