O Deportivo perde pola mínima contra o Watford (1-0)
O cadro coruñés foi o dominador do partido pero non atopou o xeito de superar a defensa inglesa
Primeiro test do Deportivo na xira británica que rematou con derrota diante do Watford (1-0). Comezou o partido Hidalgo con Helton; Noubi, Samu, Barcia, Escudero; Villares, Patiño; Luismi Cruz, Yeremay, Chacón; Zakaria. O primeiro en tentalo foi Patiño. Logo Luismi Cruz conectou con Zakaria pero o remate marchou desviado. No minuto 20 marcou o Watford grazas ao acerto de Grieves. Antes do lecer Yeremay pediu penalti pero o colexiado deixou seguir.
O segundo tempo comezou cunha gran conexión entre Patiño e Yeremay que o canario tentou definir con maxia pero sen atopar o gol. No minuto 60 Antonio Hidalgo cambiou a medio equipo dando entrada a Mella, Arnau Comas, Cristian Herrera, Petxa, Rubén López, Bouldini e Quagliata que debutaba coa camisola deportivista. A presenza de Mella no campo deulle aire ao ataque do cadro coruñés que buscou o empate sen sorte.
