Villares sobre Idiakez: "Eu véxoo tranquilo, traballando, e nós a morte con el"

O Deportivo buscará a domicilio fronte ao Arenteiro acabar o ano co sabor doce dunha vitoria. Pero a crise que sofre non se soluciona con estes tres puntos, segundo recoñeceu Diego Villares, que recoñeceu este mércores que o problema do equipo abarca os ámbitos futbolístico e psicolóxico.

"É todo, encadeamos os partidos de Barcelona, o Tenerife e o Sestao todos na mesma semana, aínda que houbo moita diferenza entre uns e outros, e pésanos non encadear esa regularidade que a todos nos gustaría", sinalou.

Acerca desta falta de continuidade en canto a resultados e xogo, o centrocampista insistiu en que no partido do pasado domingo ao Deportivo lle pasaron factura varios aspectos:

"Sobre todo a presión de gañar e vernos máis preto de todo. E tamén os partidos que levamos sen enlazar bos resultados fixéronnos efecto".

Diego Villares referiuse ao partido do próximo domingo contra o Arenteiro como "un partido especial".

"Calquera partido que os rivais xogan contra o Deportivo sempre dan máis, coa súa xente e afección. Será un partido difícil, en que debemos propoñer máis no xogo", engadiu.

Tamén falou sobre Imanol Idiakez.

"Eu véxoo tranquilo, traballando como sempre, e nós a morte con el".