Vicky Vázquez renova como adestradora das Celtas

A viguesa Vicky Vázquez continuará á fronte do equipo das Celtas. O club e a adestradora pecharon o acordo para que o vencello se prolongue unha campaña máis despois do ascenso acadado a temporada pasada. As Celtas ascendeu de categoría e tentará continuar cos éxitos nesta 25-26 na Segunda Federación. 

Vicky coñecía perfectamente o club ao que chegou, pois xa adestrara nas categorías inferiores e sabía polo miúdo da actualidade do fútbol feminino ao adestrar a selección galega sub-15. No seu pasado estaban outros equipos como o Rápido de Bouzas, o Lérez, o Santa Mariña ou o Sárdoma.