Urovesa entregará máis de 100 vehículos Vamtac ás forzas armadas de Singapur

A empresa galega Urovesa asinou un terceiro contrato coas Forzas Armadas de Singapur (SAF) para entregarlles máis de 100 novos Vehículos de Alta Mobilidade Táctica (Vamtac).

Segundo indicou a compañía nun comunicado, tras completar este terceiro contrato, as SAF converteranse no maior cliente da empresa galega na zona de Asia-Pacífico.

"Este é un novo fito na nosa longa relación comercial co país, que empezou en 2013 coa firma do primeiro contrato, que implicaba a entrega dunha frota de 50 vehículos máis", indicaron representantes da compañía.