Publicador de contidos

Publicador de contidos

Unha maqueta da Paixón de Cristo, novo atractivo en San Paio da Estrada

Unha maqueta da Paixón de Cristo, novo atractivo en San Paio da Estrada

A maqueta poderá visitarse ata o domingo posterior á Pascua

A maqueta elabóraa cada ano un catequista como exercicio para os rapaces
G24.gal 07/04/2023 13:58

Son moitas as curiosidades que agochan algunhas celebracións da Semana Santa e unha delas atopámola na igresa de San Paio na Estrada. Trátase dunha maqueta feita á man por un catequista da parroquia, que representa as principais escenas da Paixón.

É habitual ver representacións do nacemento no Nadal en moitas igrexas, pero a reprodución en miniatura das escenas da Paixón e morte de Xesús non é tan cotiá. Por iso resulta singular esta, elaborada por Lisardo, un catequista da parroquia de San Paio na Estrada afeccionado ás maquetas. 

A maqueta recolle cronoloxicamente as principais escenas bíblicas da Paixón de Cristo. A iniciativa é aplaudida por fregueses e visitantes pola súa didáctica. A maqueta poderá visitarse ata o domingo posterior á Pascua.

Publicidade
Publicidade
Publicidade
Publicidade