Unha familia da Guaira sálvase dos sismos por estar en Galicia
Viñeron asistir ao fin de máster da súa filla menor na Universidade de Santiago de Compostela
Os tremores de terra devastaron a cidade onde vivían e deixaron a súa vivenda con graves danos
Esta familia chegaba en xuño desde La Guaira, en Venezuela, a Galicia para asistir ao fin de máster da súa filla menor na Universidade de Santiago de Compostela.
O dobre terremoto devastaba a súa cidade e deixaba o seu edificio inhabitable. Esta viaxe puido salvar as súas vidas.
"Estaban meus pais e non tiña noticias deles, son persoas que nos se valen por si mesmas", dixo Mayerling Mata
"Estivemos dous días en durmir pendentes das redes sociais", dixo Luis Javier Díez, fillo de emigrantes galegos.
"A sensación agora é como irreal", engade a súa esposa Mayerling Mata.
"É un estado da Guaira como costeiro, todo ao longo da costa, de punta a punta está todo derribado, é moi duro", destaca Luis Javier Díez.
Desde a distancia, a familia segue as imaxes dunha cidade que apenas recoñecen. Pero o máis importante, moito máis que as perdas materiais, están os familiares e amigos mortos ou desaparecidos. As cifras oficiais falan de case 3.000 mortos.
"Pais das miñas amigas, amigos próximos do colexio da universidade quedaron atrapados... estou segura que a cantidade de falecidos é maior", di unha das súas fillas, Andrea díez Mata.
A familia tiña previsto regresar a Venezuela a finais de xuño, pero o aeropuerto continúa funcionando únicamente para voos de emerxencia.
"Choramos moitísimo, temos que volver e enfrontarmos co que pasou", destaca Luis Javier Díez.
"Teño un loito que nunca vou pasar, unha tristeza que nunca se vai curar", engade Andrea díez Mata.
"Teño que encarar a miña realidade, necesito ver que xa non van estar as rúas onde medrei, o noso lugra seguro", asevera Mayerling Mata.
