Soben a 3.342 os falecidos polo dobre tremor en Venezuela

A cifra de falecidos polo dobre terremoto do pasado 24 de xuño en Venezuela aumentou a 3.342, mentres que a de feridos elevouse a 16.740, informou este domingo o presidente do Parlamento venezolano, Jorge Rodríguez.

A nova cifra supón un aumento de 388 persoas falecidas, respecto ao sábado, mentres se intensifican os labores para sacar corpos de debaixo dos entullos.

Cifras

Segundo o balance oficial, 6.462 persoas foron rescatadas e 17.345 perderon a súa vivenda, polo que se habilitaron 79 campamentos transitorios.

De acordo cos datos oficiais, 86.794 as familias foron atendidas e distribuíronse 9.585 toneladas de alimentos e 669.008 litros de auga.

Tamén se atopan despregados 29.567 efectivos do Exército e as forzas de seguridade, mentres que habería un total de 27.482 voluntarios.

REUTERS/Adriano Machado

Creación dunha unidade militar 

A presidenta encargada de Venezuela, Delcy Rodríguez, ordenou a creación dunha nova unidade militar para atender a emerxencia ante desastres, fronte ás críticas pola falta de resposta das forzas armadas venezolanas tras o dobre terremoto do 24 de xuño.

"Din a orde ao Ministerio de Defensa de crear unha unidade de tarefa especial de emerxencia para atender a emerxencia ante desastres desta natureza que levará por nome Gran Mariscal de Ayacucho Antonio José de Sucre", anunciou a presidenta interina na conmemoración dos 150 anos de independencia do país. 

Novo ministro de Transportes

Por outra banda, Delcy Rodríguez, designou este domingo ao enxeñeiro civil Francisco Garcés como ministro de Transporte, en substitución da chavista Jacqueline Faría, en plena emerxencia polos devastadores terremotos do 24 de xuño que deixaron polo menos 3.342 mortos.

A carteira de Transporte encargouse nos últimos días da inspección de infraestrutura viaria afectada e da mobilización de maquinaria para traballos de recuperación e mantemento, sobre todo, na devastada rexión costeira da Guaira (norte, contigua a Caracas), a máis golpeada polos sismos, con numerosos derrubes de edificios e danos en estradas.