Un xulgado de Badaxoz investiga o irmán de Pedro Sánchez por acusacións de malversación
Un xulgado de Badaxoz investiga o irmán de Pedro Sánchez por acusacións de malversación
A actuación xudicial prodúcese tras a presentación dunha denuncia pola organización Manos Limpias
![Imaxe de arquivo](https://img-g24-crtvg.flumotion.com/prog24/2022/20220703/sanchis.jpg)
O Xulgado de Instrución número 3 de Badaxoz abriu dilixencias de investigación contra o irmán de Pedro Sánchez David Sánchez Pérez-Castejón, o presidente da Deputación de Badaxoz Miguel Ángel Gallardo e o responsable de Recursos Humanos desta institución.
As dilixencias de investigación abriunas o xulgado polos presuntos delitos contra a Administración Pública, a Facenda Pública, malversación, prevaricación e tráfico de influencias, segundo informaron fontes do Tribunal Superior de Xustiza de Estremadura.
Este auto xa se notificou ás partes, e agora acordouse a práctica de probas, entre elas a remisión do contrato do irmán de Pedro Sánchez, coñecido como David Azagra, que actualmente é coordinador do programa Ópera Joven da Deputación de Badaxoz.
Cabe lembrar que estas dilixencias de investigación se abren tras a presentación dunha denuncia pola organización Manos Limpias, a finais de maio, contra David Sánchez e Gallardo por malversación.