Un condutor foxe tras atropelar unha moza en Barbadás

Un condutor atropelou na noite do mércores unha moza no municipio ourensán de Barbadás, na avenida de Celanova (na Valenzá), e fuxiu.

Segundo informa o 112 Galicia, os feitos ocorreron pasadas as 21:00 horas do mércores. A moza foi trasladada por unha dotación de Urxencias Sanitarias de Galicia-061 ao Complexo Hospitalario de Ourense (CHOU), pois presentaba un golpe na cabeza.

Así o confirmou o equipo médico a través do seu aviso do 112 Galicia. Así mesmo, solicitouse a intervención da Policía Local e dos membros do servizo municipal de Protección Civil.

Nestes intres, o persoal de garda do turno de noite atende varias incidencias:

Ás 21:16h un atropelo na Avda. Celanova fronte o Froiz.

Ás 21:49h unha colisión de 3 vehículos no que se saldou con 3 feridos.

Ás 22:26h unha árbore que corta a estrada de Moreiras ao San Benito. pic.twitter.com/YS13sNq09s

— Emerxencias Barbadás (@SMPCBarbadas) March 13, 2024

Agora búscase ao condutor do coche, xa que marchou do lugar dos feitos.