Trump ameaza a España con sancións polas discrepancias do 5% en gasto militar: "Deberían ser castigados"

O presidente dos Estados Unidos ameazou este xoves con impoñer sancións a España polas discrepancias sobre o obxectivo de gasto militar do 5% do PIB acordado no cumio de líderes aliados da Haia.

"Creo que é unha gran falta de respecto á OTAN. De feito, estaba a pensar en castigalos comercialmente con aranceis polo que fixeron. E podería facelo. Paréceme incriblemente irrespetuoso", dixo.

Trump fixo estas afirmacións en declaracións á prensa durante unha reunión do seu gabinete co presidente da Arxentina, Javier Milei.

"España (foi o) único país da OTAN, o único do planeta en facer iso. E creo que deberían ser castigados por iso", remarcou o presidente dos Estados Unidos.

O Goberno español restoulle importancia á nova ameaza de Trump de impoñer aranceis a España. Fuontes gobernamentais consultadas por Europa Press resaltaron que a relación do Goberno español con Estados Unidos "puido verse" durante o cume en Exipto para o acordo de paz en Gaza entre Israel e Hamás, "un acto oficial de gran transcendencia internacional".

"Restamos importancia aos comentarios de hoxe, nun contexto de declaracións informais", precisaron as fontes consultadas.