Tres mortos nun novo ataque dos Estados Unidos a una lancha no Pacífico Oriental
Este ataque forma parte da campaña que Washington empezou en 2025 contra o narcotráfico no Caribe
Son máis de 130 os falecidos nos ataque en augas internacionais do Caribe e do Pacífico
Tres persoas morreron nun novo "ataque cinético letal" lanzado polas forzas dos Estados Unidos contra unha embarcación supostamente vinculada ao narcotráfico en augas do Pacífico Oriental, informou este luns o Comando Sur.
A operación tivo lugar o domingo, detallou o comando a través dunha mensaxe na rede social X, que acompañou dun vídeo do momento en que a lancha é impactada por un proxectil.
On April 26, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known… pic.twitter.com/br2znnUM1x
— U.S. Southern Command (@Southcom) April 27, 2026
"A Intelixencia confirmou que a embarcación transitaba por rutas coñecidas de narcotráfico no Pacífico Oriental e que participaba en operacións de narcotráfico. Tres homes narcoterroristas resultaron mortos durante esta acción", agregou o mando militar.
Ningún membro das forzas armadas dos EUA sufriu danos, segundo o Comando Sur. A Administración do presidente Donald Trump defende o seu dereito para deter o fluxo de drogas cara ao país, razón pola que desde agosto de 2025 despregou un grande operativo militar no Caribe, que logo estendeu ao Pacífico.
Con este novo ataque, son xa máis de 130 as persoas que morreron durante estas actividades militares en augas internacionais.
