Transportes aproba o proxecto para construír o primeiro treito da A-76,que unirá Ponferrada e Ourense
Transportes aproba o proxecto para construír o primeiro treito da A-76,que unirá Ponferrada e Ourense
O Ministerio destina 131,7 millóns de euros ao proxecto de construción do primeiro tramo entre Villamartín de la Abadía e Requejo (en León), que terá unha lonxitude de 6,2 km
A autovía reducirá distancias de percorrido, tempos de desprazamento e mellorará as condicións de comodidade e seguridade para os usuarios
Mapa da autovía A-76 (Ministerio de Transportes e Mobilidade Sostible)
O proxecto de construción do primeiro tramo da autovía A-76 que conectará Ponferrada e Ourense xa está en marcha tras a súa aprobación este venres 7 de novembro.
Esta actuación contempla a conversión en autovía da estrada N-120 no tramo mencionado de 6,2 km, como parte da A-76, mellorando así a capacidade e seguridade viaria nun corredor estratéxico para as comunicacións entre Galicia e Castela e León. Ademais, facilitará o acceso á Plataforma Loxística do Bierzo (León) e aos polígonos industriais da contorna de Toral de los Vados (León).
O trazado comezará, polo tanto, na conexión coa autovía A-6 e rematará na contorna do km 434 da N-120, onde se repoñerá un tramo de esta estrada para non obstaculizar o acceso a determinados municipios.
O proxecto suponlle ao Ministerio de Transportes e Mobilidade Sostible un total de 131,7 millóns de euros (IVE incluído).
.png)
