Tráfico pon o ollo nas condicións en que circulan os vehículos

A Garda Civil comezou este mércores en unha campaña especial para comprobar se os condutores teñen os coches en boas condicións para circular.

A verificación vaise centrar nas rodas e as luces, pois son os elementos chave da seguridade dos vehículos.

Desde a DXT insisten na necesidade de manter o coche en condicións óptimas, sobre todo en Galicia, onde temos un parque móbil cunha media de 13 anos de antigüidade.

Trátase ademais dunha campaña específica para Galicia e as comunidades coa meteoroloxía máis adversa.

Nesta época do ano, con menos luminosidade e peor tempo, a revisión de pneumáticos e luces é especialmente importante.

A multa mínima por non cumprir coas condicións para circular é de 90 euros, e a máxima de 800, 200 por cada roda en mal estado, bastante máis do que se gastaría en cambialas.